Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

HRW: Kroacia të mos hyjë në Shengen, dëbon ilegalisht refugjatët

Postuar: 08/11/2019 - 15:32

Kroacia aderon në Bashkimin Europian prej vitit 2013 por nuk po mundet të lëvizë në zonën Shengen. Organizatat për të drejtat e njeriut thonë se vendi nuk ështe ende gati pasi vazhdon të shkelë konventat ndërkombëtare kundër emigrantëve dhe azilkërkuesve.
 
Observatori ndërkombëtar për të drejtat e njeriut ka qortuar një propozim të Komisionit Europian për të pranuar Kroacinë në zonën Shengen.
 
Sipas Human Rights Watch, vendi nuk e meriton Shengenin pa adresuar krizën së emigrantëve dhe dhunën që ushtrohet ndaj tyre.
 
"Kthimi i paligjshëm dhe i dhunshëm i azilkërkuesve dhe emigrantëve mjaftojnë që Kroacia të mos gjejë vend në Zonën Shengen. Nuk ka kuptim nocioni i Shengenit ku respektohen të drejtat e njeriut, kur Kroacia shpërfill abuzimet me emigrantët," deklaroi të premten studiesja e organizatës për Europën Lindore dhe Ballkanin, Lidia Goll.
 
Rastet e keqtrajtimit të emigrantëve në kufirin kroat bien ndesh me konventat ndërkombëtare dhe dokumentohen nga ekipi i saj që nga viti 2016.
 
Në rrethana të caktuara, policia vendëse ka përdorur dhunë edhe ndaj grave dhe fëmijëve, ndërsa të tjerë janë braktisur në zonat e largëta duke u detyruar të notojnë në ujërat e dimrit për të kaluar sërish kufirin drejt Bosnjë-Hercegovinës.
 
Kroacia aderon në Bashkimin Europian prej korrikut të vitit 2013, por përmbushja e kritereve teknike si edhe vetoja e vendeve të caktuara po vonojnë pjesëmarrjen në marrëveshjen kontinentale të Zonës Shengen.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 14/11/2019 - 14:50

Një aksident i rëndë automobilistik nga i cili ka gjetur vdekjen një shofer kamioni 53-vjeçar hungarez ka ndodhur në një autostradë të Sllovenisë.
 

Postuar: 14/11/2019 - 11:33

Një ngjarje e rëndë ka ndodhur mbrëmjen e së martës teksa një person ka humbur jetën pasi e zuri

Postuar: 14/11/2019 - 10:51

Detaje tragjike janë zbardhur nga aksidenti i rëndë rrugor, që ndodhi mbrëmjen e kaluar në Sllova

Postuar: 14/11/2019 - 09:45

Reperi amerikan Kodak Black është dënuar me 46 muaj burg pasi u deklarua fajtor për akuzat për ar

Postuar: 14/11/2019 - 08:20

Presidenti amerikan, Donald Trump, është shprehur se ka biseduar me evropianët për t’iu dhë

Postuar: 13/11/2019 - 21:56

Kryedizenjatori i  Kalashnikov, Sergey Urzhumtsev, tha dje për medituat se gjenerata e re