I shpëtuan aksidentit ajror, ja si u gjetën katër fëmijët e humbur prej 40-ditësh në pyjet e Amazonës

Lajmi për gjetjen e katër fëmijëve të mitur në Kolumbi pas 40 ditësh që ato kanë qenë të humbur pas rrëzimit të avionit me të cilin udhëtonin ka bërë bujë në të gjithë mediat ndërkombëtare.

Mediat e huaja shkruajnë se vëllezërit e motrat, nga mosha 1 deri në 13 vjeç, kaluan javë të tëra duke u endur vetëm në xhunglën e dendur të Amazonës kolumbiane pasi nëna e tyre dhe pjesa tjetër e pasagjerëve të avionit vdiqën.

Më shumë se njëqind ushtarë, me ndihmën e qenve të trajnuar posaçërisht dhe dhjetëra indigjenë po kërkonin fëmijët në xhungël në kufirin e prefekturave Guaviare dhe Kaketa.

Ndër të tjera në media thuhet se ekipet e kërkim-shpëtimit për javë të tëra do të kishin hequr dorë nga shpresa shumë kohë më parë nëse nuk do të gjenin fruta të egra gjysmë të ngrënë, këpucë, strehimore të improvizuara dhe gjurmë në baltën dhe dheun që tregonin se fëmijët ishin gjallë.

Fëmijët, të moshës 13, 9, 4 dhe 1 vjeç, ishin anëtarë të fisit autokton Uitoto dhe, siç kishin theksuar të afërmit e tyre gjatë operacionit për gjetjen e tyre, dinin të mbijetonin në xhungël.