“I trajtojnë gratë si pronë. Një politikan shumë i madh u hedh në pishinë me...”/ Milaim Zeka tregon si e ka marrëdhënien me bashkëshorten dhe befason me atë çfarë thotë për tradhtinë: E marr gjithmonë me vete...

Gazetari i njohur, Milaim Zeka, ishte sot i ftuar në “Goca dhe Gra” ku ka komentuar disa mesazhe që ndjekësit kanë dërguar në adresën e emisionit.

“Pse burrat pasi martohen kujtojnë se të kanë pronë të tyre?”, ishte një nga mesazhet që dikush kishte dërguar në emision.

Sipas gazetarit Zeka, si në Shqipëri ashtu edhe në Kosovë, njerëzit si elitë intelektuale, janë ata njerëz që i konsiderojnë dhe i trajtojnë gratë e tyre tamam si të ishin një makinë përdorimi, një pronë e tyre 100 për qind.

Zeka u shpreh se është nga njerëzit e rrallë që në çdo takim, çfarëdo lloj takimi, ai gjithmonë merr me vete bashkëshorten e tij.

“Njerëzit si elitë intelektuale i trajtojnë gratë si “Gjithmonë e kam gruan me vete, ajo është 40 për qind më intelektuale se unë. Edhe vajzën 5-vjeçare e marr me vete, e ndërkombëtarët habiten që politikanët shqiptarë vijnë në takime pa gra”, tha Zeka.

Ky i fundit u shpreh se ka parë dhjetëra e dhjetëra situata të ndryshme me politikanët, që e kanë tepruar paksa me pijen.

“Një politikan shumë i madh u hedh në pishinë me rroba, e shumë, shumë sjellje të tjera kam parë”, tha Zeka.

Ndërsa duke folur për tradhtinë, gazetari tha se “nuk kam një shok që njoh që nuk e tradhton bashkëshorten”.