Inteligjenca Artificiale bën bashkë Francën, Gjermaninë dhe Italinë, ja si do ta luftojnë tre vendet rrezikun e ri për Evropën

Franca, Gjermania dhe Italia kanë arritur një marrëveshje për rregullimin e përbashkët të inteligjencës artificiale (AI), tregon një dokument i përbashkët i siguruar nga Reuters, i cili pritet të përshpejtojë negociatat në nivel evropian. Të tre qeveritë mbështesin angazhimet vullnetare për kompanitë më të vogla dhe më të mëdha të AI në Bashkimin Evropian. Komisioni Evropian, Parlamentet Evropiane dhe Këshilli i BE po diskutojnë aktualisht se si duhet të krijohet aleanca. Në qershor, u prezantua "Aktin e AI", që synon të parandalojë rreziqet e aplikimeve të AI dhe të shmangë efektet diskriminuese, duke mbështetur fuqinë inovative të AI. Gjatë debatit, parlamenti propozoi një kod sjelljeje që fillimisht do të ishte i detyrueshëm vetëm për ofruesit e mëdhenj të AI, kryesisht nga SHBA. Të tre qeveritë besojnë se dhënia e një avantazhi konkurrues për kompanitë më të vogla evropiane mund të ketë një efekt negativ pasi do të ulë besimin tek to dhe do të rezultojë në një numër më të vogël përdoruesish. Prandaj, kodi duhet të jetë i detyrueshëm për të gjithë, pretendojnë të tre shtetet. Në fillim nuk duhet të ketë sanksione, por me kalimin e kohës duhet të vendoset edhe një sistem ndëshkimesh. Ministria gjermane e Ekonomisë, e ngarkuar me negociatat me Ministrinë e Çështjeve Dixhitale, beson se ligjet dhe kontrolli shtetëror nuk duhet të përqendrohen në vetë AI, por në zbatimin e saj. Qeveritë në mbarë botën po përpiqen të shfrytëzojnë përfitimet ekonomike të AI, por gjithashtu po marrin parasysh sigurinë e saj. Britania e Madhe mbajti takimin parë mbi këtë temë në nëntor dhe Gjermania do të presë një konferencë dixhitale në Jena sot e nesër.