BREAKING NEWS

 Artan Hoxha plas ‘BOMBËN’, nxjerr pamjet ekskluzive të kryebashkiakut duke pirë kokainë/ Paralajmëron një tjetër surprizë në orët në vijim

x

Bota

Irani paralajmëron Uashingtonin: Do i përgjigjemi komploteve të SHBA nga Mesdheu deri në oqeanin Indian

Teherani premtoi sot të kundërpërgjigjet ashpër ndaj sulmeve të mundshme të SHBA, pasi si Uashingtoni dhe Riadi akuzuan republikën islamike për sulmin me bomba ndaj rafinerive saudite.
 
 “Nëse amerikanët kanë ndërmend ndonjë komplot, kombi iranian do të kundërpërgjigjet nga Mesdheu deri në oqeanin Indian”, tha gjenerali i ushtrisë Yahya Rahim Safavi, i cili paraaljmëroi gjithashtu se presidenti Donald Trump do të ketë fatin e pararendësve të tij të cilët, “dështuan të gjithë në imponimin e vullnetit të tyre politik ndaj kombit iranian”.
 
Tensionet kanë qenë të larta mes Uashingtonit dhe Teheranit pas sulmeve me dronë e me raketa ndaj rafinerive kryesore të Arabisë Saudite që përgjysmuan prodhimin e naftës në mbretërinë arabe.
 
Rebelët jemenitë Houthi pranuan autorsinë e sulmeve por Riadi dhe SHBA kanë fajësuar Iranin. Republika islamike ka mohuar vazhdimisht përfshirjen në sulmet me dronë.
 
Sekretari amerikan i shtetit Mike Pompeo i quajti një ditë më parë sulmet akt lufte.