Ish-agjenti i njohur sekret rus kthehet në Moskë, koka e tij kërkohet në Kiev, akuzohet për rrëmbim, torturim dhe vrasje të civilëve në Ukrainë

Igor Grigin ish-agjent i FSB-së ruse dhe ish-komandant ushtarak i rebelëve pro-rusë në Donetsk, është rikthyer në Moskë. Igor Grigin i cili njihet dhe si njeriu i afërt i Putinit ka luftuar dhe në Bosnje krah Serbëve. Rikthimi i tij në Moskë pakësoi shanset që të gjykohet në Ukrainë ku siç dihet tashmë është i kërkuar për krimi lufte nga forcat Ukrainase. Girgin ose siç njihet ndryshe Strelkov, në vitin 2014 akuzohet për rrëmbim torturim dhe vrasje të civilëve në Ukrainë. Girkin, si dhe Sergey Dubinsky dhe Leonid Karchenko, u dënuan kohët e fundit me burgim të përjetshëm nga gjykata holandeze për rolin e tyre në rrëzimin e fluturimit MH17 të Malaysia Airlines në 2014 mbi Ukrainë. Ai vetë ka pranuar në disa intervista, se ka urdhëruar ekzekutimet dhe ka vrarë personalisht një person. Gjithashtu, autoritetet ukrainase po ofrojnë 100,000 dollarë për këdo që e sjellë në Kiev ish-agjentin e FSB-së dhe një nga separatistët kryesorë pro-rusë në Ukrainë. Mësohet se ai është nën hetim nga Kremlini për “diskreditim të ushtrisë ruse”. Strelkov, si dhe disa blogerë të tjerë ushtarakë që mbështesin më së shumti pushtimin rus të Ukrainës, kanë qenë jashtëzakonisht kritikë për mënyrën se si po menaxhohet lufta gjatë muajve të fundit, duke akuzuar me zë të lartë gjeneralët dhe komandantët rusë për dështime gjithnjë e më të shpeshta në fushën e betejës. Lajmi i rikthimit të tij u bë i ditur nga vetë ai pasi përmes llogarisë së tij në Telegram deklaroi se ishte në Moskë. Ai tha gjithashtu se kishte kërkuar mobilizim vullnetar në radhët e forcave të armatosura të Donetskut. Sipas tij ai zbuloi se emri i tij nuk ishte në listë dhe se ishte ilegalisht në një njësi të ushtrisë ruse, gjë që bëri që ai të kthehej në Moskë.