Iu shpërndante jashtë radhe vaksinat anti-COVID miqve të tij, jep dorëheqjen ministri i Shëndetësisë i këtij shteti (FOTO)

Pas skandalit me shpërndarjen e vaksinave fillimisht për miqtë e tij, ministri i Shëndetësisë i Argjentinës, Gonzalez Garcia, dha dorëheqjen të premten me kërkesë të Presidentit të vendit, Alberto Fernandez.

“Unë po jap dorëheqjen nga posti im në Ministrinë e Shëndetësisë pas kërkesës suaj të qartë, ” tha Gonzalez Garcia në një letër të dorëheqjes drejtuar kreut të shtetit.

Ai do të zëvendësohet nga Dr. Carla Witsotti, e njohur në Argjentinë, ndërsa ndërmori të negocionte furnizimin me vaksinën ruse për koronavirusin.

Gonzalez Garcia, 75 vjeç ka qenë në detyrë që nga viti 2019 dhe është marrë me pandeminë e re të koronavirusit që kur shpërtheu, por mandati i tij është dëmtuar nga skandali i “vaksinimit preferencial”.

Ishte gazetari i famshëm 71-vjeçar Horacio Verbicki, një nga të parët, i cili zbuloi skandalin duke konfirmuar se shkoi të vaksinohej jashtë radhës pas nxitjes së ministrit, mikut të tij të vjetër.

“I telefonova Gonzalez Garcia dhe ai më tha të shkoja në Spitalin Posada,”rrëfeu Z. Verbicki. Media raportoi për disa raste të tjera të politikanëve dhe personaliteteve të cilët gjithashtu shkuan dhe u vaksinuan.

Çështja ndezi reagime të mëdha në faqet e rrjeteve sociale, të etiketuara #vacunasvip, “vaksinat VIP”.