Ja ideja që do të shpalosë Macron sot në Bruksel që mund të lërë Ballkanin Perëndimor për një kohë shumë të gjatë jashtë BE

Sot do të zhvillohet Samiti i radhës i Bashkimit Evropian në Bruksel. Sipas Euroactiv mësohet se Franca ka propozuar krijimin e një “Komuniteti Politik Evropian”. Presidenti Francez, Emanuel Macron ka folur për krijimin e një platforme për koordinimin politik për vendet evropiane në të gjithë kontinentin. Platforma mund të përfshijë edhe Ballkanin Perëndimor, vendet e asociuara të Partneritetit tonë Lindor, vendet e EFTA-s dhe të gjitha vendet e tjera evropiane me të cilat Bashkimi Europian ka marrëdhënie të ngushta. “Bashkimi Evropian shpreh mbështetjen e plotë dhe të padyshimtë për perspektivën e anëtarësimit në BE për Ballkanin Perëndimor”, thuhet në draftin e dokumentit që do të prezantohet në samit. Nga ky takim do t’i bëhet ftesë Komisionit Evropian, përfaqësuesit të Lartë dhe Këshillit që “të avancojnë më tej integrimin gradual mes Bashkimit Evropian dhe rajonit gjatë procesit të zgjerimit në mënyrën reversibile dhe bazuar në merita”.  Franca kundërshtoi hapjen e negociatave për Shqipërinë dhe Maqedoninë e Veriut në vitin 2019. Macron tha atëherë se këto shtete duhej të bënin ende progres. Presidenti francez, Macron, si dhe zyrtarët francezë në përgjithësi kanë mbajtur qëndrime kundërshtuese në raport me anëtarësimin e shteteve të tjera në bllokun evropian. Franca prej vitesh e kundërshton edhe procesin e liberalizimit të vizave për Kosovën, ndonëse janë plotësuar të gjitha kriteret që BE-ja i kishte vënë në udhërrëfyes. Franca kundërshtoi hapjen e negociatave për Shqipërinë dhe Maqedoninë e Veriut në vitin 2019. Macron tha atëbotë se këto shtete duhej të bënin ende progres. Macron është shprehur kundër përshpejtimit të procedurës për Ukrainën, por edhe për shtetet e tjera, me arsyetimin se duhet respektuar standardet.