Kancelari gjerman paralajmëron Rusinë: Jemi të vendosur për të mbrojtur çdo vend të NATO-s nga kërcënimet

Kancelari gjerman, Olaf Scholz, ka paralajmëruar ditën e sotme Rusinë duke thënë se Gjermani dhe NATO janë të vendosura për të mbrojtur çdo metër katror të Europës lindore, nga çdo agresion i mundshëm.

Sipas tij çdo vend i Europës lindore duhet të ketë besim tek Gjermania dhe NATO.

Ndërsa shtoi se të mendosh sot se mund të kesh të njëjtat marrëdhënie me Rusinë e Putinit është e paimagjinueshme.

“Ajo që thashë më 27 shkurt është vërtetuar: ne do të mbrojmë çdo metër katror të NATO-s. Partnerët tanë të Evropës Lindore mund t’i besojnë Gjermanisë sot. Për të qenë i qartë: të kesh objektivin e një partneriteti me Rusinë si ai që kishte ende në konceptin strategjik të vitit 2010, me Rusinë imperialiste agresive të Putinit është e paimagjinueshme në çdo kohë të parashikueshme”, tha ai.

Më tej Scholz theksoi se Ukraina ka nevojë për një plan “Marshall” për rindërtim.