BREAKING NEWS

Vazhdojnë përpjekjet për të finalizuar Reformën Zgjedhore, SHBA hedh hapin e rëndësishëm, zyra e shtypit të ambasadës njofton lëvizjen e Yuri Kim ditën e sotme

Vazhdojnë përpjekjet për të finalizuar Reformën
x

Bota

Kina nuk do të marrë pjesë në negociatat SHBA-Rusi për çarmatimin

Kina nuk do të marrë pjesë në negociatat SHBA-Rusi për
"Edhe Kina është e gatshme të reduktojë arsenalin e armëve të saj bërthamore. Por ne nuk mendojmë që të marrim pjesë në negociatat e çarmatimit SHBA-Rusi".
 
Kështu tha sot drejtori i Përgjithshëm i Departamentit të Kontrollit të Armëve të Ministrisë së Jashtme të Kinës, Fu Cong, në një fjalim në konferencën për parandalimin e përhapjes së armëve bërthamore të mbajtur në Moskë.
 
Fu tha se është shumë e rëndësishme çështja e reduktimit të armëve bërthamore që posedojnë Rusia dhe SHBA.
 
"Sepse këto armatime janë në përmasa gjigante. Janë shumë më tepër se të vendeve të tjera që kanë armë bërthamore. Për këtë arsye bëjmë thirrje për vazhdimin e bisedimeve për çarmatimin e SHBA-së dhe Rusisë", shtoi Fu.
 
Ndërkohë duke bërë të ditur se edhe Kina është e gatshme të bëjë atë që i përket mbi këtë çështje, Fu tha se, "Edhe Kina është e gatshme të reduktojë arsenalin e armëve të saj bërthamore. Ne jemi të gatshëm t‘i bashkohemi këtij procesi nëse edhe vendet e tjera reduktojnë arsenalet e tyre në nivelin që ka Kina. Por ne nuk mendojmë që të marrim pjesë në negociatat e çarmatimit SHBA-Rusi".
 
“Ne nuk i shohim të drejta iniciativat e SHBA për të përfshirë edhe Kinën në negociatat për çarmatosje që zhvillon me Rusinë”, shpjegoi Fu, i cili më tej vlerësoi se, "Iniciativa të tilla të largojnë nga objektivi kryesor. SHBA prodhon një arsye vetëm për të dalë nga një marrëveshje e rëndësishme ndërkombëtare".

Më të lexuarat