BREAKING NEWS

Epidemiologu rrëzon Spitalin Amerikan: OBSH ka licencuar vetëm ISHP për analizat e COVID-19, privati nuk mund të kryejë teste

Epidemiologu rrëzon Spitalin Amerikan: OBSH ka licencuar vetëm ISHP
x

Bota

Koronavirusi/ Si ta zvogëlojmë riskun nga infektimi? OBSH-ja nxjerrë listën me rekomandimet e nevojshme

Koronavirusi/ Si ta zvogëlojmë riskun nga infektimi? OBSH-ja

Organizata Botërore e Shëndetësisë ka nxjerrë një listë me mënyrën si të veprohet për të reduktuar mundësinë për t’u prekur nga koronavirusi, ose për të infektuar të tjerët, nëse evidentohen shenja si bartës të virusit.

1.Të lahen duart shpesh me sapun, ose të përdoren detergjente me bazë alkooli. Kjo është e mjaftueshme për të vrarë virusin.

2.Nëse kollitet apo teshtihet duhet mbuluar goja dhe hunda me krahun e përthyer. Nëse përdoren letra, duhen hedhur menjëherë në kosh, mundësisht të palosura me një tjetër letër. Menjëherë më pas duhen larë duart.

3.Të mbahet distanca minimalisht 1 metër nga njerëzit e tjerë, sidomos nëse kolliten apo teshtijnë.

4.Goja, hunda dhe sytë janë porta e hyrjes së virusit në trupin tonë. Rekomandimi është të evitohet prekja e këtyre zonave në fytyrë.

5.Kush ka qenë kohët e fundit në Kinë, ose ka qenë në kontakt me një person të kthyer nga Kina, dhe ka kollë apo vështirësi në frymëmarrje, duhet të kërkojë ndihmë mjekësore.

6.Nëse zgjidhet të mbahet maskë, sigurohuni që të mbulojë gojën dhe hundën. Ato njëpërdorimshme duhet të hidhen menjëherë pas përdorimit.

7.Evitoni të konsumoni mish të gjallë ose pak të skuqur.