Kritikoi luftën e Rusisë në Ukrainë, e pëson keq 70-vjeçari rus

Që nga fillimi i pushtimit të plotë të Ukrainës nga Rusia në shkurt 2022, mijëra rusë janë ndjekur penalisht sipas ligjeve të reja,  për të eliminuar kritikat ndaj përpjekjeve luftarake të vendit.

Orlov, i cili është 70 vjeç, është në gjyq për dyshimin se ka thyer një nga këto ligje. Ai prit të përballet me deri në tre vjet burg për “diskreditimin” e përsëritur të ushtrisë ruse me kritikat e tij për luftën në Ukrainë.

Përveç diskreditimit të ushtrisë, kodi penal i Rusisë tani dënon atë që e quan “përhapjen publike të informacionit të rremë qëllimisht në lidhje me forcat e armatosura ruse”.

I referuar shpesh si “Ligji për falsifikimet”, ai është përdorur për të burgosur kritikë të tillë të zëshëm të Kremlinit si Ilya Yashin. Vitin e kaluar, ai u dënua me tetë vjet e gjysmë burg.

Regjisorja e teatrit rus Zhenya Berkovich, e cila shkroi dhe postoi poezi kundër luftës, është akuzuar për “justifikim të terrorizmit” në një nga shfaqjet e saj. Ajo rrezikon deri në shtatë vjet burg.

Në prill, kritiku i Kremlinit dhe aktivisti kundër luftës Vladimir Kara-Murza u dënua për tradhti dhe u dënua me 25 vjet burg.