Lufta me koronavirursin/ Gjiganti i farmaceutikës amerikane jep lajmin e bujshëm

Firma amerikane Johnson & Johnson pritet të aplikojë për miratim nga BE të vaksinës së saj anti-Covid deri në fund të janarit, me qëllim të marrjes së dritës së gjelbër për përdorim në shkurt. 

Të dhënat klinike të vaksinës, të cilat Johnson & Johnson po i zhvillon përmes filialit të saj Janssen, janë vlerësuar nga Agjencia Evropiane e Barnave (EMA) që nga 1 dhjetori nën një rishikim të përsëritur për të shpejtuar miratimin e mundshëm.

Lajmi i konfirmua edhe nga Komisionerja e Shëndetësisë në BE Stella Kyriakides.

Një zëdhënës i Kyriakides deklaroi sot: “Ne nuk mund të japim ndonjë indikacion të saktë në lidhje me një kërkesë për autorizim të kushtëzuar të marketingut, por natyrisht shpresojmë që një aplikim të paraqitet në javët e ardhshme”.

Johnson & Johnson dhe EMA nuk iu përgjigjën menjëherë një kërkese për koment. Afati i mundshëm i miratimit në BE duket të jetë pak më i ngadaltë se sa pritej në Shtetet e Bashkuara.

Moncef Slaoui, këshilltari kryesor i operacionit tha se priste që Johnson & Johnson të aplikonin për autorizimin deri në fund të janarit, çka mund të çojë në aprovim nga mesi i shkurtit.

Kujtojmë që deri më tani janë autorizuar për përdorim vaksinat e kompanive Pfizer BioNtech, AstraZeneca dhe Moderna. Sa më shumë kompani dhe doza të ketë në qarkullim, aq më shumë rriten shanset për fitoren ndaj virusit brenda një kohe më të shpejtë.