Lufta merr kthesën e madhe, Ukraina mbledh forcat dhe i jep goditjen e rëndë Putinit

Ushtria ukrainase ka hyrë në Lyman, një qytet kyç në rajonin e Donetsk, sipas raportimeve nga Kievi, i cili prej ditësh ishte nën rrethim, shkruajnë mediat e huaja. Lyman ishte pushtuar nga rusët korrikun e kaluar dhe konsiderohet vendimtar për kontrollin e zonës. 

Kjo është një tjetër goditje e rëndë për Moskën, një ditë pas ceremonisë me të cilën Vladimir Putin nënshkroi marrëveshjet e aneksimit.

Stafi i Presidentit Volodymyr Zelensky ka publikuar një video në rrjet në të cilën shihen dy ushtarë duke ngritur flamurin ukrainas në Lyman. Edhe para se të mbërrinte lajmi për hyrjen e trupave nga Kievi, udhëheqësi pro-rus Denis Pushilin kishte pranuar se qyteti tani ishte "gjysmë i rrethuar".

Sergej Gaidai, guvernatori i rajonit të afërt të Luganskut, po ashtu ka llogaritur situatën, duke u shprehu se ushtarët rusë kanë tre opsione në këtë pikë: të ikin, të vdesin të gjithë së bashku ose të dorëzohen.

Por pse Lyman konsiderohet shumë i rëndësishëm për vazhdimin e konfliktit? 

Arsyeja qëndron në faktin se ky qytet është i rëndësishëm për të ndërprerë rrugët e furnizimit me forcat ruse dhe filtrimin që pushtojnë zonën. Për më tepër, Lyman krahasohet me Balakliya, qyteti në rajonin e Kharkivit ku ndodhi përparimi vendimtar i forcave ukrainase.