“Lufta mund të nisë në ...”/ Përshkallëzohen tensionet, pas paralajmërimit të Joe Biden, vjen deklarata e fuqishme e ministrit të Jashtëm rus, tregon vendimin më të fundit

Pas paralajmërimit të Presidentit amerikan Joe Biden, i cili tha se “ekziston një mundësi e qartë që rusët mund të pushtojnë Ukrainën në shkurt”, flet për herë të parë edhe kryediplomati i Moskës.

Duke folur për mediat në një konferencë të premten në mëngjes, ministri i Jashtëm Sergej Lavrov u pyet nëse ekziston mundësia që Rusia të nisë luftë në Ukrainë pasi bisedimet mbi garancitë se NATO nuk do të zgjerohet përfunduan pa zgjidhje konkrete.

“Nëse është në dorën e Federatës Ruse, nuk do të ketë luftë,” tha ai.

“Ne nuk duam luftëra,” vazhdoi Lavrov, raporton agjencia ruse e lajmeve “RT”.

Por ministri i Jashtëm rus, ka theksuar gjithashtu se zyrtarët rusë “nuk do të lejojnë që interesat tona të sulmohen brutalisht ose të injorohen.”