Lajme të tjera
BREAKING NEWS

Spartak Ngjela paralajmëron arrestime të bujshme në Shqipëri: Ju tregoj se çfarë do të ndodhë pas 10 ditësh në Tiranë

Spartak Ngjela paralajmëron arrestime të bujshme në
x

Bota

Marrëveshja e Trump/ Palestinezët e presin me raketa: Tradhti dhe turp, nuk vlen as sa boja me të cilën u shkrua

Marrëveshja e Trump/ Palestinezët e presin me raketa: Tradhti dhe

Marrëveshja përmbylli një muaj me zhvillime dramatike gjatë të cilit u arriti fundi I një armiqësie të vjetër por pa zgjidhur problemin e palestinezëve. Ujdia e vështirë e shtyu ekipin e Trumpit të argumentojë se kjo përpjekje e presidentit amerikan duhet të rezultojë me një Nobele Paqeje për të. Shumë opinionistë megjithatë pajtohen me idenë se kjo “nuk mund të mbajë titullin marrëveshje paqeje”, kur mes vendeve në fjalë nuk ka as konflikt e as luftë. Përplasjet e Izraelit janë me palestinezët, Hezbollahun apo Iranin.

Se çfarë efekti pati në Gaza një ujdi e tillë kjo e pa qartë me raketat e lëshuara sërish mbrëmjen e djeshme. Qindra palestinezë marshuan në shenjë proteste me pankarta në duar ku shkruhej “tradhti” dhe “marrëveshja e turpit”, ndërsa zëdhënësi I Hamasit, Hazem Qassem u shpreh se pakti “nuk vlen as sa boja me të cilën u shkrua”. Marrëveshjet megjithatë I bëjnë Emiratet e Bashkuara dhe Bahrejnin shtetet e treta dhe të katërta arabe që ndërmarrin hapa për normalizimin e lidhjeve me Izraelin që kur ky i fundit nënshkroi traktate paqeje me Egjiptin në 1979 dhe Jordaninë në 1994. Në zyrën Ovale, Trump tha se “do të kemi të paktën pesë ose gjashtë vende që do të na bashkohen shumë shpejt” për të lidhur marrëveshje të ngjashme, edhe pse nuk përmendi ndonjë prej tyre.