Mbi 800 humbje jete në Itali nga koronavirusi, ja sa raste të reja janë regjistruar në 24 orët e fundit

Vijon të vijnë shifra tepër negative nga Italia për sa i përket pandemisë së koronavirusit.

Në buletinin ditor, Ministria e Shëndetësisë bën me dije se 853 persona të tjerë kanë humbur jetën përball virusit vdekjeprurës, një bilanc ky që nuk shënohej prej ditëve më të këqija të pandemisë në pranverë.

Një përmirësim të lehtë kanë shënuar rastet e reja të cilat kanë qenë 23 mijë në 24 orët e fundit nga 189 mijë testime të kryera.

Që nga nisja e pandemisë Italia regjistron rreth 51 mijë viktima nga Covid-19 dhe 1,4 milionë të infektuar.