Media gjermane: Ja pse Perëndimi nuk mund t'i japë fund mosmarrëveshjes mes Serbisë dhe Kosovës

Përfaqësuesit e Gjermanisë, Francës dhe BE-së duan një marrëveshje për Beogradin dhe Prishtinën, por ata nuk ofrojnë një perspektivë reale evropiane, sipas gazetës gjermane Frankfurter Allgemeine Zeitung. Prandaj shtrohet pyetja nëse Vuçiç dhe Kurti do ta zotojnë kapitalin e tyre politik. Nuk ka gjasa të mëdha që Perëndimi t'i japë fund mosmarrëveshjes në mes të Serbisë dhe Kosovës sepse ndërmjetësuesit në Beograd dhe Prishtinë po largohen “duart bosh”, vlerëson e respektuara Frankfurter Allgemeine Zeitung. Gjermania, Franca, SHBA dhe BE thuhet se do të rrisin gazin për të mbyllur "krahun e pambrojtur" në Ballkan ndërsa lufta në Ukrainë vazhdon. “Kërcënimet për stabilitetin në Evropë lindin edhe për shkak të konfliktit të përjetshëm midis Beogradit dhe Prishtinës, i cili ka vite që po rindez në intervale të parregullta”, thuhet në gazetë. Hera e fundit që një konflikt i përgjakshëm dukej rrezikshëm i afërt ishte dhjetori i vitit të kaluar”. Në shkrimin e medias gjermane, gazetari Michael Martens kujton se propozimi franko-gjerman bazohet në një marrëveshje mes dy Gjermanive të gjysmë shekulli më parë. Sipas saj, siç thuhet, Serbia në fakt do ta pranonte Kosovën, ndonëse nuk do ta njihte në mënyrë eksplicite. Martens përmbledh vizitat e fundit të përfaqësuesve të BE-së dhe SHBA-së në rajon: “Përveç detajeve të marrëveshjes së mundshme, grackat e së cilës nuk duhen nënvlerësuar, para së gjithash ishte çështje parimore: A janë Serbia dhe Kosova të gatshme të pranojnë propozimin perëndimor si bazë të zgjidhjes? A janë ata të gatshëm dhe në gjendje të bëjnë përparim të shpejtë? Atëherë Scholz dhe Emmanuel Macron sigurisht që do të përfshiheshin drejtpërdrejt në fazën përfundimtare”.