BREAKING NEWS

Komunikimi i paqartë/ Ministria bën “lëmsh” federatat, në urdhrin zyrtar lejohet vetëm… kampionati i futbollit

Komunikimi i paqartë/ Ministria bën “lëmsh”
x

Bota

Merkel solidarizohet me viktimat e sulmit, viziton Sinagogën e re në Berlin

Merkel solidarizohet me viktimat e sulmit, viziton Sinagogën e re në
Pas sulmit mbi një sinagogë në Hale shumë qytetarë në Gjermani demonstrojnë në shenjë solidariteti me komunitetin hebre. Edhe kancelarja gjermane Angela Merkel u bashkua me ta dhe vizitoi Sinagogën e Re në rrugën Oranienburg, në Berlin. Merkel foli me rabinen Gesa Ederberg dhe kantoren hebreje Avitall Gerstetter.
 
Kancelari gjerman Frank-Walter Steinmeier bëri thirrje për solidaritet me qytetarët hebrenj. Në festimet e organizuara për 30 vjetorin e Revolucionit paqësor të Lajpcigut, Steinmeier tha se "një sulm i tillë mbi një sinagogë të mbushur plot ka qenë e paimagjinueshme në Gjermani". Kjo ditë gëzimi u kthye në ditë vuajtjeje.
 
Kongresi Botëror Hebre (WJC) kërkoi mbrojtje më të mirë për institucionet hebreje në Gjermani. "Për fat të keq ka ardhur koha që të rritet siguria në të gjitha shtëpitë hebreje të zotit dhe në institucionet e tjera hebreje nëpërmjet forcave shtetërore të sigurisë," deklaroi kryetari i WJC, Ronald Lauder. Nevojiten "vepra në vend të fjalëve" tha ai.
 
Të prekur folën edhe ipeshkvët katolikë dhe evangjelistë, të cilët shprehën solidariteti me hebrenjtë në Gjermani. Papa  Françesku kujtoi viktimat e atentatit, bëri të ditur zyra e shtypit e Vatikanit. /DW