BREAKING NEWS

Gjermanët shkundin klasën politike: Presidenca e pushtuar nga një individ që i shërben partisë së tij, PS pushtet absolut, PD-LSI i shpëtuan drejtësisë falë Llallës

Gjermanët shkundin klasën politike: Presidenca e pushtuar nga një
x

Bota

Mushkonjat e modifikuara gjenetikisht pushtojnë Brazilin

Mushkonjat e modifikuara gjenetikisht pushtojnë Brazilin
Pas një eksperimenti në terren në vitet 2013 e 2015, një brez mushkonjat të modifikuara gjenetikisht po shumohen në Brazil, të cilat sipas planit të ekspertëve duhet të kishin vdekur pas eksperimentit si ato ashtu dhe pasardhësit e tyre.
 
Por tentativa për të kufizuar popullatën e mushkonjave e etheve të verdha Aedes aegypti në Brazil mund të ketë dështuar, pasi duket se mutacionet gjenetike janë transferuar te popullata lokale.
 
Kompania farmaceutike britanike Oxitec kishte lëshuar rreth 450,000 mushkonja mashkull çdo javë në rajonin Bahia për 27 javë me lejen e autoriteteve, në eksperimentin që kishte si qëllim vënien nën kontroll të sëmundjeve si zika e ethet e verdha.
 
Modifikimi gjenetik i mushkonjave ishte i tillë që pasardhësi i parë i mushkonjave nuk mund të arrinte gjendjen adulte për t’u riprodhuar.
 
Fillimisht kjo funksionoi duke reduktuar ndjeshëm numrin e përgjithshëm të mushkonjave në rajon për një periudhë 18 mujore, por pas fundit të eksperimentit popullata e mushkonjave u rikthye në të mëparshmen.