'Na torturonin me elektroshok', i burgosuri britanik tregon tmerrin e burgjeve ruse: Na jepnin bukë të ndenjur e ujë të pisët

Një nga të burgosuri britanikë që u kap gjatë luftimeve në Ukrainë rrëfen torturën nga ushtarët rus.

Shaun Pinner tregon se si dhunohej nga rusët teksa ata linin në sfond këngët e ABBA-s dhe Cher.

Nveteran 48-vjeçar i ushtrisë, ai rrëfeu se si u detyrua të dëgjonte muzikë 24 orë në ditë, u godit me thikë dhe e torturuan me elektroshok.

Ndërsa ishte në robëri ai u detyrua të dëgjonte kolonën zanore të Mamma Mia dhe i dhanë vetëm bukë të thatë dhe ujë të pistë për të konsumuar.

Pasi u dënua me vdekje në qershor, së bashku me Aiden Aslin, ata u zhvendosën në një banesë të re ku vazhdoi tortura muzikore.

“Kushtet ishin më të mira, por ata ende luanin muzikë dhe këtë herë ishte Believe by Cher”, tha ai për The Sun.

“Kishim ditët tona të errëta dhe unë qava shumë. Na u desh të kapemi pas një lloj shprese dhe kështu mbijetova.”, tha Piner

Pinner ishte pjesë e një grup prej 10 të burgosurish të huaj të liruar pasi Arabia Saudite ndërmjetësoi një marrëveshje të fshehtë midis Rusisë dhe Ukrainës. 

Tani në shtëpi në Potton, Beds, ai tha: “Mendova se do të vdisja. Ishte ferr në tokë.

“Gjashtë muajt e fundit kanë qenë ditët më të këqija të jetës sime. Nuk dua të dëgjoj më kurrë një këngë ABBA ose të shoh një copë bukë. Unë thjesht jam shumë me fat që jam në shtëpi.”, tha ai.