Ndizet debati për trashëgiminë, vajza e Kim Jon Un shfaqet sërish në publik

Vajza e liderit të Koresë së Veriut Kim Jong Un u shfaq sërish në publik, këtë herë me shkencëtarë të raketave dhe tituj nderues si fëmija “më i dashur” ose “i çmuar” i babait të saj.

Ajo është vetëm 10 vjeç, por fotot e saj të reja dhe të guximshme po thellojnë debatin nëse ajo po përgatitet si pasardhëse.

Vajza, që besohet të jetë fëmija i dytë i Kim-it, i quajtur Ju Ae, u shfaq për herë të parë në publik duke vëzhguar lëshimin e raketës balistike ndërkontinentale të Veriut.

10-vjeçarja  e veshur me një pallto të bardhë të fryrë dhe këpucë të kuqe u shfaq duke ecur dorë për dore me Kim-in përpara një rakete të madhe të ngarkuar në një kamion lëshues dhe duke parë një armë fluturuese.

Të dielën, Agjencia Qendrore e Lajmeve e Koresë së Veriut e përmendi atë për herë të dytë, duke thënë se ajo dhe Kim bënë foto në grup me shkencëtarë, zyrtarë dhe të tjerë të përfshirë në atë që e quajti lëshimin testues të Hwasong-17 ICBM.