Ndodh për herë të parë që prej 21 shkurtit! Pacienti i fundit del nga spitali, ky është shteti që nuk ka asnjë rast me Covid-19

Ndërsa pjesa më e madhe e shteteve në botë janë duke u përballur me një valë të dytë të “egër” të pandemisë së koronavirusit, me shifra rekord rastesh të reja dhe viktimash, e kundërta është duke ndodhur në Australi.

Së fundmi, shteti i Viktorias është zyrtarisht pa asnjë person të infektuar me Covid-19, pasi pacienti i fundit doli nga spitali, i cili ishte një 90-vjeçar. Ai dhe bashkëshortja e tij kaluan më shumë se një muaj në spital duke luftuar me virusin, ndërsa në fund arritën ta fitonin betejën.

Kjo është hera e parë që prej 21 shkurtit që në këtë shtet nuk ka asnjë rast pozitiv aktiv.