Ngrihet alarmi/ Sëmundja e pashërueshme po përhapet me shpejtësi, transmetohet nga qentë tek njerëzit

Një sëmundje e pashërueshme zoonozike, që transmetohet nga qentë tek njerëzit, po përhapet me shpejtësi.

“Brucella Canis“, i cili është një bakter që është i pashërueshëm dhe shkakton infertilitet tek qentë, më parë është gjetur vetëm tek kafshët e importuara por tashmë një zyrtar i qeverisë ka thënë për “The Telegraph” se kjo sëmundje po përhapet shumë në Mbretërinë e Bashkuar.

Duke qënë se ende është një numër i vogël i personave që janë prekur nga kjo sëmundje, ajo nuk është konsideruar një sëmundje endemike.

Besohet se qentë që aktualisht kanë sëmundjen, mund të jenë çiftëzuar me një qen të importuar, mund të kenë pasur kontakt me një qen shtatzënë të importuar ose janë pasardhës të një qeni të importuar.

Dr Christine Middlemiss, shefe veterinare në Departamentin për Mjedisin, Ushqimin dhe Çështjet Rurale, ka thënë: “Ne kemi patur një parhapje në Britani dhe mendohet se ka ndodhur për shkak të çiftëzimit. Ka shumë pak por për ne është diçka e re”.

Megjithatë është ende një shqetësim në rritje pasi deri tani tre presona kanë rezultuar pozitiv me këtë sëmundje.

Mendohet se qeveria po diskuton mënyra të ndryshme se si mund ta identifikojë këtë sëmundje në kufi, në mënyrë që të ndalin kafshët e infektuara që hyn në Britani.

Në disa vende të botës si Bullgaria, “Brucella canis” është një sëmundje endemike.

“Nuk ka kërkesa ligjore për testimin e importit për momentin. Ne po mbledhim provat, vlerësime të ndryshme të rrezikut, që kontribuojnë në këtë provë dhe ne do ta shqyrtojmë atë,” tha Dr Middlemiss.

“Unë këshilloj për momentin testimin vullnetar, testimi para se të importoni kafshët. Nëse jeni duke sjellë qen për t’u shumuar, atëherë do të kishte absolutisht kuptim që t’i kontrolloni para importin ata qen“, shton më tej doktoresha.