Një nga filozofët më të famshëm në botë: Ja pse lufta për pushtet në Rusi është shumë e rrezikshme

Slloveni Slavoj Zhizek, i cili është një nga filozofët më të famshëm në botë, në një intervistë për portalin e pavarur, Meduza, kritikoi vazhdimisht dhe me pasion kapitalizmin dhe neoliberalizmin modern, sidomos pas fillimit të pushtimit rus të Ukrainës, ai tha se ishte e gabuar t'i qasesh kësaj lufte nga një pozicion ekskluzivisht pacifist dhe u bëri thirrje vendeve perëndimore të rrisin furnizimet me armë në Kiev dhe të forcojnë NATO-n. Ai gjithashtu foli dhe për atë që ai mendon se është ideologjia e Rusisë, nëse mund të quhet shtet fashist si dhe pse lëvizja e majtë duhet të rishqyrtojë pikëpamjet e saj për politikën evropiane dhe amerikane. I pyetur në lidhje se çfarë ka më shumë frikë në Rusinë moderne, Zhizek thotë se është rishpërndarja e pakontrolluar e ndikimit. Ndërsa disa, thotë ai, e shikojnë me shpresë sepse Putini pretendohet se po braktiset nga oligarkët dhe aleatët e tij më të afërt,fenomen ky që sipas  Zhizekut rrit vetëm rrezik. “Një luftë e tillë për pushtet nuk ka karakteristikat e një konflikti të institucionalizuar, ku ka p.sh e djathta me ide më nacionaliste, partia liberale, e majta e kështu me radhë. Përkundrazi, ka konflikte mes oligarkëve dhe pushtetarëve,grupe të cilat i shfaqin hapur në burimet e tyre mediatike. Shembull perfekt është pronari i kompanisë private ushtarake Wagner Yevgeny Prigozhin, i cili sulmon vazhdimisht ministrin rus të Mbrojtjes Sergei Shoigu dhe Ministrinë e Mbrojtjes. Gjithashtu, Prigozhin promovon idenë se grupi Wagner është grupi më efektiv në fushën e betejës ukrainase, gjë që Zhizek e konsideron paradoks sepse mercenarët pro-qeveritar pretendojnë se ata janë më të mirë se ushtria e rregullt, e cila, thotë ai, një shtet që funksionon normalisht nuk mund të përballojë.