BREAKING NEWS

Pas skandalit të 'Fake News'-i i porositur nga këshilltari i Metës, reagon menjëherë Rama, ia numëron një nga një Presidentit: Më e neveritshmja është që plehrat i'u hodhën në fytyrë...

Pas skandalit të 'Fake News'-i i porositur nga këshilltari
x

Bota

Nju Jorku me shifra alarmante të vdekurish, vendi më i prekur në botë nga koronavirusi. Këto pamje me dron janë tronditëse, ja ç’po ndodh atje

Nju Jorku me shifra alarmante të vdekurish, vendi më i prekur në

Nju Jorku ka më shumë raste të infektuara me koronavirus, sesa secili shtet tjetër jashtë Shteteve të Bashkuara, tregojnë të dhënat e fundit, raporton BBC.

Ky shtet ka konfirmuar se aktualisht ka mbi 159,937 të infektuar, duke kaluar Spanjën, që ka 153,000 raste dhe Italinë me 143,000 raste.

Kina, vendi ku ka shpërthyer fillimisht virusi vitin e kaluar, ka raportuar për 82,000 raste të infektuara.

Në gjithë Shtetet e Bashkuara është thënë të jenë infektuar 462,000 persona nga sëmundja Covid-19, që shkakton koronavirusi, ndërkohë që kanë vdekur gati 16,500 persona.

Nju Jorku me shifra alarmante të vdekurish, vendi më i prekur në

Në gjithë botën nga kjo sëmundje janë prekur 1.6 milion persona dhe kanë vdekur 95,000 pacientë.

Por ndonëse Nju Jorku udhëheq për nga numri i të infektuarve, numri i vdekjeve në këtë shtet, 7,000 është më i ulët, sesa në Spanjë, 15,5000 dhe Itali 18,000, ndonëse është gati dyfish më i madh krahasuar me Kinën, 3,300.

Nëpër disa fotografi është parë se viktimat janë duke u varrosur nëpër varreza masive në Nju Jork.

Nju Jorku me shifra alarmante të vdekurish, vendi më i prekur në

Pamjet nga droni mbi Nju Jork treguan punëtorët që përdorin një shkallë për të zbritur në gropën e madhe, ku ishin vendosur arkemortet gati per t’i varrosur.

Imazhet janë marrë në ishullin Hart, jashtë Bronx, i cili është përdorur për më shumë se 150 vjet nga zyrtarët e qytetit si një vend varrosjeje masive për ata që nuk kanë të afërm, ose familje që nuk mund të përballojnë funeralet.

Operacionet e varrimit në këtë vend janë rritur në mes të pandemisë nga një ditë në javë në pesë ditë në javë, sipas Departamentit perkates.

Kryebashkiaku tha se të tilla varrime mund të jenë të nevojshme derisa të kalojë kriza.

Mjeku Anthony Fauci, anëtar kyç i task-forcës për koronavirus në Shtëpinë e Bardhë, ka thënë për kanalin NBC se shifra përfundimtare e amerikanëve të vdekur nga sëmundja Covid-19, “duket se mund të jetë 60,000”.

Më të lexuarat