“Nuk është një ide ekzotike, por realitet tashmë”/ Ndodh për herë të parë, ky është lazeri i frikshëm që po “verbon” satelitët dhe shkatërron dronët. Ja çfarë po përgatit Rusia

Zëvendëskryeministri Yury Borisov, i cili është përgjegjës për zhvillimin ushtarak të vendit ka bërë me dije se Rusia ka testuar me sukses një lazer që “verbon” satelitët dhe shkatërron dronët.

Borisov u shpreh se sistemi Peresvet ka shkatërruar një dron në 5 km distancë në testimin e tij të fundit.Ndërkohë, ky lazer, sipas rusëve, mund të nxjerrë jashtë funksioni satelitët që ndodhen 1500 km mbi sipërfaqen e Tokës.

“Ka nisur shpërndarja e këtij lazeri tek trupat tanë. Shkencëtarët tanë kanë bërë punë të shkëlqyer”, tha Borisov.

“Bëhet fjalë për një armë lazer, një armë që do të zëvendësojë ato tradicionalet në dekadën e ardhshme. Nuk është një ide ekzotike, por realitet tashmë”, shtoi Yury Borisov.