Nuk pritej/ Urdhër arresti ndaj Putin, Rusia merr vendimin drastik ndaj Gjykatës Ndërkombëtare në Hagë

Komiteti Hetimor i Rusisë njoftoi se ka hapur një çështje penale kundër prokurorit dhe gjyqtarëve të Gjykatës Penale Ndërkombëtare, të cilët të premten lëshuan një urdhër arresti për presidentin rus Vladimir Putin me akuza për krime lufte. Mediat e huaja raportojnë se, komiteti, përgjegjës për hetimin e krimeve të rënda, tha se nuk kishte arsye për përgjegjësi penale nga ana e Putinit dhe krerët e shteteve gëzonin imunitet absolut nga juridiksioni i shteteve të huaja.

Veprimi rus është një gjest simbolik i kundërshtimit në përgjigje të urdhrit të lëshuar kundër Putinit të premten, i cili e akuzoi atë dhe komisarin e fëmijëve të tij për krimin e luftës për deportimin e fëmijëve nga Ukraina në Rusi. Kremlini e ka quajtur këtë veprim të egër, por ligjërisht të pavlefshëm, pasi Rusia nuk është nënshkruese e traktatit që krijoi ICC.