Parajsa Fiskale, Bashkimi Europian merr vendimin e papritur për tre shtete

Ministrat e Financave të Bashkimit Evropian shtuan të martën Anguillan, Bahamasin dhe ishujt Turks dhe Kaikos në listën e parajsave fiskale të BE-së, duke e zgjeruar listën në 12 vende, raporton Reuters.

Ishujt Turks dhe Kaikos, pranë Bahamasit dhe Kubës, janë për herë të parë në listë. Bahamasi ishte listuar një herë më 2018 dhe më pas u hoqën, dhe Anguilla më 2020.

“Nga taksimi i drejtë i bizneseve përfitojmë të gjithë. Kjo është arsyeja pse BE-ja dhe partnerët ndërkombëtarë ndajnë interes të përbashkët në luftimin e erozionit të bazës tatimore dhe ndryshimit të fitimit”, ka thënë ministri çek i Financave, Zbynek Stanjura, vendi i të cilit mban presidencën e BE-së.

“Besoj se të 12 vendet në listë do të përmbushin angazhimet e tyre dhe do të kryejnë reformat e nevojshme në fushën e taksave sa më shpejt që të jetë e mundur, në mënyrë që ato të fshihen nga kjo listë kur ne do ta rishikojmë atë pas 6 muajsh”, shtoi ai.