Plagosi një 20 vjeçar, e pëson keq i riu shqiptar, zbardhen detajet e para

Mbrëmjen e djeshme në Francë një 30 vjeçar shqiptar është arrestuar,  pasi ka plagosur me armë zjarri një 20 vjeçar gjatë mbrëmjes së parë të Festivalit të Dritave që po mbahet në Lyon. I plagosuri rëndë tha se kishte qenë shënjestër e një tentative për vrasje.

Në vendngjarje u zbuluan tre gëzhoja plumbash që u drejtuan ndaj të riut, identiteti i të cilit nuk bëhet i ditur. Vëllai i personit të plagosur përshkruajti autorin e tentativës për vrasje si të maskuar dhe të veshur me të zeza.

Pas mesnatës, pra në orët e para të mëngjesit të sotëm, u arrestua shqiptari i cili sapo kishte kryer një tjetër sulm në një metro të qytetit. Pas arrestimit, atij iu sekuestrua një pistoletë me silanciator. Ndërsa aktualisht i riu ndodhet në paraburgimin e komisaritatit të Lyonit. Bëhet  me dije se lokalizimi i tij u bë i mundur pasi qytetarët kishin telefonuar duke denoncuar se një person po i kërcënonte të gjithë përdoruesit e metrosë në Guillotiere të Lyon-it.