Plas skandali në shtetin fqinj me Shqipërinë/ Mjekëve dhe infermierëve iu injektohet ujë fiziologjik në vend të vaksinës anti-COVID

Mediat italiane kanë denoncuar sot një skandal të madh në lidhje me vaksinën Pfizer.

Sipas informacioneve për mediat vendase, disa punonjës të kujdesit shëndetësor kanë marrë gabimisht ujë fiziologjik në vend të vaksinës anti-Covid të Pfizer.

Ngjarja ka ndodhur në spitalin Rovereto në Itali.

Akoma nuk dihet se cili nga mjekët dhe infermierët morën vaksinën e vërtetë dhe kush ujin fiziologjik. Për këtë, profesionistët e shëndetit do të duhet t'i nënshtrohen një testi serologjik.

Ngjarja kishte përfshirë 5 ose 6 punëtorë shëndetësorë. Nëpërmjet testit serologjik, në fakt, është e mundur të verifikohet me siguri se kush ka marrë dozën e vaksinës dhe kush ujin fiziologjik.

Sipas mediave italiane, gabimi ka ndodhur me 15 janar, por nuk ka informacione të mëtejshme nëse kjo situatë është përsëritur edhe herë të tjera.