Prokurorët i zbuluan ryshfetin 1 milionë euro, jep dorëheqjen kryeministri i këtij vendi të BE-së

Kryeministri i Estonisë, Juri Ratas, ka dhënë sot dorëheqjen pasi kundër tij ka nisur një hetim për korrupsion për një projekt të zhvillimit të pronave në kryeqytet.

“Kryeministri Juri Ratas informoi Presidentin Kersti Kaljulaid për dorëheqjen e tij“, u tha sot nga qeveria në një deklaratë për mediat. Ratas, i cili ka mohuar çdo akuzë, do të duhet të njoftojë zyrtarisht dorëheqjen e tij në një mbledhje qeverie dhe para Kuvendit.

Tashmë është në dorën e Presidentit që të propozojë udhëheqësin e ardhshëm të qeverisë në parlament brenda dy javësh.

Ratas e mori vendimin për të dhënë dorëheqjen pas një takimi me struktura e partisë së martën, ku u diskutua rreth akuzave që janë ngritur për të.

Prokurorët pretendojnë se projekti i zhvillimit të kryeqytetit i është premtuar një kompanie, e cila ka dhënë ryshfet një shumë prej 1 milion Euro për partinë që është në pushtet dhe ka premtuar se do ta mbështesë atë në zgjedhjet e ardhshme.

Tashmë që kryeministri është dorëhequr dhe kundër tij ka nisur një hetim, vendi do të shkojë në zgjedhje të reja që do të zhvillohen në Mars të vitit 2023.