Protestat “djegin” presidentin Macron, mocioni i mosbesimit rrezikon ta rrëzojë nga pushteti

Kryeqyteti francez është “pushtuar” nga protestues që kundërshtojnë reformën e re të pensioneve, duke e mbyllur çdo ditë në rrugë. Por në fund erdhi urdhri: “Për shkak të rrezikut të prishjes së rendit dhe sigurisë publike”, ndalohet çdo grumbullim i ri në Place de la Concorde, në rrethinat e tij apo në Champs-Élysées në Paris”. Kështu është përpjekur prefektura të shmangë demonstratat e reja spontane pas ditëve të fundit, të cilat e kanë shndërruar sheshin që ishte një simbol festash, në një vendndodhje ku njerëzit mblidhen  për të shprehur zemërimin kundër Emmanuel Macron. Paraliza e vendit e parandaluar deri më tani nga Macron tani ka prekur edhe institucionet. Sot rinis beteja parlamentare. Do të votohen dy mocionet e mosbesimit ndaj qeverisë, nxitur nga reforma që e çon moshën e pensionit në 64 vjeç. Votat mund të tregojnë zemërim ndaj qeverisë së Macron, por nuk kanë gjasa ta rrëzojnë atë. Por thuhet se zemërimi i Francës nuk do të ndalojë. Nëse deri më tani uji ka qenë mjeti parandalues ??më i përdorur nga policia, kontrollet janë bërë më të rrepta, dhe metodat më të ashpra. Protesta e re nuk ka më epiqendër, dhe as organizator të qartë. Parisi, rrugët e tij, janë pre e revoltës. Megjithatë, ka një hendek të madh midis atyre që demonstrojnë dhe shkatërrojnë dhe atyre që vazhdojnë jetën e tyre të përditshme në Paris, pavarësisht protestave kundër Macron. Dy botë të ndryshme, paralele që nuk takohen. Natyrisht, pjesa tjetër kritikon zgjedhjen e qeverisë: duke iu përgjigjur sondazheve “Jam kundër reformës”. Por jo të gjithë po i vënë flakën papritmas qytetit. Ka edhe një Francë tjetër: që punon, jeton, shkon në klube dhe në palestër sikur të mos kishte ndodhur asgjë.