Punonjësit në porte dhe aeroporte bëjnë paralajmërimin e fortë për festat e fund vitit, ja çfarë pritet të ndodhë këtë muaj në Britaninë e Madhe

Punonjësit kufitare në portet dhe aeroportet e Mbretërisë së Bashkuar kanë paralajmëruar se do të futen në grevë në muajin dhjetor, pas disa thirrjeve që sindikata e tyre i drejtoi qeverisë për t’u ulur në tryezën e negociatave për kushtet e tyre të punës.

Grevat janë njoftuar të mbahen mes datave 23 dhe 26 Dhjetor si dhe nga data 28 deri më 31 Dhjetor në aeroportet e Birmingham, Cardiff, Gatwick, Glasgow, Heathrow dhe Manchester, si dhe Portin e Newhaven.

Paralajmërimi vjen si plan i organizuar edhe me punonjësit e trenave, autobusëve në prag të krishtlindjeve dhe gjatë gjithë sezonit të festave. Protestat nuk kufizohen vetëm në sektorin e transportit. Të njëjtën gjë kanë paralajmëruar edhe mësuesit, infermierë dhe punonjësit e ambulancës me kërkesa për pagat dhe kushtet e punës.

Sindikata e Shërbimeve Publike dhe Tregtare tha se ata po ndërmarrin veprimet e tyre për shkak të mosmarrëveshjeve me qeverinë rreth pagave, kërcënimit për shkurtim të vendeve të punës dhe ndryshimeve në rregullat e pensioneve.

Sekretari i përgjithshëm i sindikatës, Mark Serwotka, tha se kjo është një krizë. “Ne jemi përpjekur për muaj të tërë të negociojmë me qeverinë dhe jemi injoruar. Ne vazhdojmë të na thonë se qeveria ka një derë të hapur, por nuk ka kuptim që dera të jetë e hapur nëse nuk ka asgjë pas asaj dere.

Sektori publik nuk ka zgjidhje tjetër përveçse të ndërmarrë veprime industriale, sepse anëtarët tanë aktualisht janë hequr vaktet, duke mos qenë në gjendje të ndezin ngrohjen në shtëpi për shkak të varfërisë në të cilën po jetojnë”, tha ai.