Putin merr goditjen e fuqishme, Bullgaria me ultimatum merr vendimin e papritur për shtetasit rusë

Deri në fund të së hënës, Bullgaria do të ndalojë hyrjen e makinave ruse në vend. Tashmë ky vendim është në fuqi në Lituani, Letoni, Estoni, Poloni dhe Finlandë, dhe nga sot është në fuqi edhe në Norvegji. Këtë e ka bërë të ditur drejtori i Policisë Kufitare të Bullgarisë, Anton Zlatanov, në një intervistë në emisionin “Dita Fillon” në BNT, shkruajnë mediat e huaja.

“Ne kemi punuar shumë aktivisht nga e enjtja deri dje. Jam i bindur se deri në fund të ditës në Bullgari do të hyjë në fuqi ndalimi i hyrjes së makinave ruse të pasagjerëve në vendin tonë”, tha Zlatanov.

Ai nuk specifikoi se sa makina ruse hyjnë në vend çdo muaj, por theksoi se nuk ka shumë. Ndalimi për kamionët ka disa muaj që është në fuqi.