Rusët shkatërrojnë mijëra biblioteka dhe muze, plani i tyre është të shkatërrojnë historinë e Ukrainës

Që kur Rusia sulmoi Ukrainën më 24 shkurt, mediat botërore kanë publikuar mijëra artikuj për krimet e kryera nga ushtria e Vladimir Putinit . Kohët e fundit, një lloj tjetër i krimit rus, për të cilin është shkruar rrallë, ka dalë në dritë fhe në një shkallë të madhe, për të cilën ka gjithnjë e më shumë prova. Diçka e tillë mund të nënkuptohet kur, tre ditë para shpërthimit të armiqësive, Putini ofroi disertacionin e tij historik si një deklaratë lufte. Argumenti i tij ishte se Ukraina ishte një trillim, “i krijuar tërësisht nga Rusia”, pa “tradita të qëndrueshme të shtetësisë së vërtetë”. Identiteti ukrainas ishte rezultat i një fushate perëndimore për të “shtrembëruar mentalitetin dhe kujtesën historike të miliona njerëzve”, përfundoi Putin. Plani i Rusisë është që të shkatërrojnë historinë e Ukrainës. Sulmet e tyre janë përqëndruar në biblioteka dhe muze. Rusia u ngatërrua me Ukrainën pasi ish-republika sovjetike filloi t’i afrohej Bashkimit Evropian. Presidenti pro-rus i Ukrainës, Viktor Janukoviç, i katërti me radhë, njoftoi pezullimin e Marrëveshjes së Asociimit të BE-së në 2013 për të parandaluar kthimin e vendit drejt Perëndimit. Kjo lëvizje shënoi fillimin e një krize të thellë në historinë e Ukrainës. Mijëra njerëz u mblodhën në Sheshin e Pavarësisë në Kiev, duke protestuar me muaj kundër vendimit të Janukoviçit. Janukoviç u detyrua të arratiset në Rusi ndërsa protestat dolën jashtë kontrollit. Meqë Ukraina është e ndarë gjeografikisht midis Evropës dhe Rusisë, ashtu janë njerëzit e Ukrainës të ndarë në dy pole, mes atyre pro-rusë dhe pro-perëndimorë. Tensionet më vonë u përhapën në Krime dhe Donbas. Parlamenti i Krimesë vendosi të mbajë referendum, i cili do të lejonte aneksimin e Krimesë nga Rusia. Krimea u aneksua në mënyrë të paligjshme nga Rusia pas referendumit të diskutueshëm të 16 marsit 2014.