Rusia bën tërheqjen e parë nga Ukraina, SHBA paralajmëron fundin e tmerrshëm për Vladimir Putinin

Presidenti i SHBA, Joe Biden nuk do të ndalet derisa Rusia të shkatërrohet përfundimisht. “Ne do të mbështesim Ukrainën për sa kohë të jetë e nevojshme”, tha Biden dje në konferencën e tij për shtyp në samitin e NATO-s në Madrid. Biden thekson ndikimin që lufta ka pasur tashmë tek Rusia, pasi dështoi në shlyerjen e borxhin kombëtar, duke humbur 15 vite fitime në ekonominë e tyre, duke pasur vështirësi në ruajtjen e prodhimit të naftës dhe sistemeve të armëve për shkak të teknologjisë që nuk janë më në dispozicion për Moskën për shkak të sanksioneve. “Ata po paguajnë një çmim të rëndë për këtë, ishulli i gjarpërinjve është tashmë në kontrollin e Ukrainës. Ne do të jemi pranë Ukrainës dhe e gjithë aleanca do të jetë pranë Ukrainës për sa kohë të jetë e nevojshme për t’u siguruar që në fakt ata të mos mposhten nga Rusia. Ukraina tashmë i ka dhënë një goditje të rëndë Rusisë, Rusia tashmë e ka humbur pozitën e saj ndërkombëtare, Rusia është në një pozicion ku e gjithë bota po shikon,” tha Biden. Ai tha gjithashtu se guximi i Ukrainës po plotësohet nga mbështetja ndërkombëtare. “Nuk e di se si do të përfundojë, por nuk do të përfundojë me humbjen e Ukrainës,” përfundoi Biden. Ndërsa Ministria ruse e Mbrojtjes konfirmoni dje se ka tërhequr trupat e saj nga ishulli i Gjarprit, i cili u bë i njohur në fillim të luftës, kur një grup ushtarësh ukrainas refuzuan thirrjet për t’u dorëzuar. Autoritetet ruse e konsiderojnë tërheqjen nga ishulli strategjik si një lëvizje të vullnetit të mirë, e cila vjen pasi garnizoni i stacionuar atje e përfundoi misionin e caktuar. Gjithashtu, Rusia deklaroi se tërheqja vjen dhe për të mundësuar kalimin e grurit dhe për të mos i lënë shteg Ukrainës të pretendojë se kriza globale ushqimore po vjen prej ofensivës ruse. Ukraina gjithashtu konfirmon tërheqjen e ushtarëve rusë nga ishulli i Gjarprit, por shton se kjo erdhi si pasojë e kundërsulmit të trupave vendase.