Rusia kërcënon Serbinë me ndërprerje të furnizimit me gaz nëse vendos sanksione ndaj Moskës

Serbia ndodhet mes dy zjarreve. Nga njëra anë bllokimi i fondeve nga BE nëse nuk sanksionojnë Putinin, nga ana tjetër Moska. Ambasadori i Rusisë në Serbi, Aleksandar Bocan-Kharchenko gjatë fjalës së tij ditën e djeshme ka nënkuptuar se vendimi i Serbisë për të vendosur sanksione ndaj Rusisë do i kushtojë shtrenjtë. Bocan-Kharchenko iu referua presioneve të pabesueshme që ka Serbia për të mos vendosur sanksione ndaj Rusisë. “Unë e kuptoj që investime të rëndësishme shkojnë nga disa vende të BE-së në Serbi. Së bashku me këtë vijnë edhe fushata të mëdha. Biznesi dhe situata e biznesit po zhvillohet si me Rusinë ashtu edhe me vendet perëndimore. Rusia është e vetëdijshme për presionin e jashtëzakonshëm të ushtruar ndaj Serbisë dhe jo vetëm ndaj Serbisë. Vendet perëndimore kanë humbur të gjithë ndjenjën e sjelljes normale për sa i përket presionit për të sjellë disa vende në anën e tyre.   Ai teksa foli me fjalët e Putinit, tha se çdo vend duhet të shikojë interesin e vet dhe Serbia duhet të bëjë të njëjtën gjë, ndryshe do ndërpritet furnizimi me gaz. “Unë mbështetem në një gjë shumë të rëndësishme që tha Presidenti i Rusisë Vladimir Putin, duke iu referuar situatës së përgjithshme, jo vetëm që lidhet me Serbinë. Gjithnjë e më shumë vende në botë po mendojnë për ekonominë reale dhe burimet reale, që sot kanë diçka të prekshme ose diçka që mund ta përdorin për t'u ngrohur. Çdo vend duhet të mendojë për këtë. Çfarë është më e rëndësishme, që njerëzit të jetojnë normalisht apo të mbijetojnë?”, tha Kharchenko. Ambasadori i Rusisë në Serbi gjithashtu komentoi se Russia Today (RT) filloi transmetimin e përmbajtjes së ueb-it të programit të saj në serbisht më 15 nëntor.