Sërish zgjedhje, Greqia emëron kryeministrin e përkohshëm, ja kush do ta drejtojë shtetin deri më 25 qershor

Ioannis Sarmas do të jetë kryeministri në detyrë në Greqi deri në zgjedhjet e 25 qershorit. Presidentja e Greqisë e emëroi atë të mërkurën, për të formuar një qeveri që do ta çojë sërish në zgjedhje vendin sërish pas një muaji. Të mërkurën, Katerina Sakellaropoulou ftoi liderët e të gjitha partive, pjesa e votave të të cilave kapërceu pragun e 3% për të diskutuar hapat përpara. Ftesa ishte procedurale dhe bisedimet e shkurtra nuk sollën një qeveri koalicioni. Sipas kushtetutës së Greqisë, nëse bisedimet e koalicionit dështojnë, presidenti emëron një kryeministër të përkohshëm për ta udhëhequr vendin në një votim të përsëritur. Ndaj u emërua Sarmas, një zyrtar i lartë gjyqësor i cili është president i Gjykatës Helenike të Auditimit, një nga tre gjykatat e larta të vendit.“Është një detyrim kushtetues dhe në të njëjtën kohë detyra ime si qytetar që ta pranoj”, tha ai pas emërimit.  Pak ditë më pare, më 21 maj, u mbajtën zgjedhjet në Greqi, ku Demokracia e Re fitoi 40% të votave, por nuk pranoi të bënte një koalicion. Kështu që, tashmë kanë nisur procedurat në rast mosformimi qeverie nga asnjë parti apo koalicion. Në 25 qershor do të zhvillohet raundi i dytë, zgjedhor me ligjin elektoral që parashikon se fituesi i një votimi të dytë pas zgjedhjeve të para jo përfundimtare mund të marrë deri në 50 vende bonus për çdo pikë që fiton mbi 25%. Për të përfituar nga vendet bonus, Demokracia e Re duhet të mbetet partia më e madhe. Nëse partia e drejtuar nga Kyriakos Mitsotakiska të njëjtin rezultat edhe në zgjedhjet e 25 qershorit si në raundin e parë, atëherë me zgjedhjet e reja fiton 30 deputetë bonus, nga 146 në 176. Kështu, Greqia do të ketë qeveri të pavarur, me mandat 4-vjeçar.