BREAKING NEWS

Përballja me Covid-19, ministrja Manastirliu jep lajmin entuziast nga Vlora

Përballja me Covid-19, ministrja Manastirliu jep lajmin entuziast nga Vlora
x

Bota

Shkenca: Majmunët modernë, shumë më të zgjuar se pararendësi ynë njerëzor

Shkenca: Majmunët modernë, shumë më të zgjuar se
Një studim i ri thotë se rreth katër milionë vjet më parë pararendësit e njeriut e kishin trurin më të madh sesa majmunët primatë modernë, por më shumë gjasa ishin më pak inteligjentë se gorillat apo shimpanzetë modernë.
 
Duke tentuar llogaritjen e inteligjencës së specieve të zhdukura, antropologët kanë marrë si bazë madhësinë e trurit. Zakonisht masa më e madhe e trurit do të thotë më shumë fuqi mendimi, e cila në përgjithsi përshtatet dhe me masën trupore te gjitarët.
 
Por profesor Roger Seymour i Universitetit të Adelaide ka hedhur dyshime mbi këtë duke argumentuar se është konsumi i energjisë dhe jo masa ajo që ka më shumë rëndësi.
 
Më shumë energji do të thotë më shumë oksigjen dhe rrjedhimisht më shumë qarkullim gjaku, dhe kjo mudn të llogaritet nga masa e arterieve karotide që janë ushqyeset kryesore të trurit me gjak.
 
Seymour dhe bashkëautorët e studimit kanë krahasua diametrin e arterieve dhe të hyrjes së tyre në kafkën e 11 fosileve të njerëzve të kashtë Australopithecus me ato të 96 majmunëve primatë modernë. “Është e ditur se truri i njeriut ngjan me atë të majmunëve primatë por vetëm se është më i madh. Por studimi ynë tregon se masa e fluksit cerebral të gjakut te paraardhësit tanë shtë më e vogël se ajo e majmunëve primatë modernë”, tha Seymour.
 
Gorilat, shimpanzetë e orangutangët kanë fluks dyfish me te madh të gjakut drejt trurit dhe kjo sugjeron se ata janë të aftë të mendojnë dy herë më shumë se pararendësit tanë, jashtë gjeneratës Homo Sapiens.
 
Megjithëse Seymour ka llogaritur diametrin e rrjedhës së gjakut në tru të shumë specieve, matja e inteligjencës së tyre ështrë e vështirë. Por ai mbrojti idenë e përafruese të masës së gjakut në tru dhe inteligjencës në krahasim me vetëm masën e trurit. “Janë sinapset, lidhjet mes qelizave nervore, që janë përgjegjëset kryesore të inteligjencës. Ne e dimë se te njeriu 70 për qind e energjisë së shpenzuar nga truri përdoret nga sinapset”, thotë ai.
 
 Nëse Seymour ka të drejtë, kjo ngre çështjen nëse gorilat, shimpanzetë e orangutangët po bëhen gjithnjë e më të zgjuar, edhe pse gjithsesi më ngadalë se njerëzit.
 
Ai shton se fluksi i gjakut në tru ka një marrëdhënie thuajse lineare me masën e trurit të primatëve, dhe kjo nuk vlen për kafshët e tjera.
(IFLScience)
Pergatiti: Andi Lamko
 

Më të lexuarat