“Është përkeqësuar në mënyrë dramatike”, Blinken bën paralajmërimin e frikshëm: Rreth 40 milionë persona...

Pasiguria ushqimore është “përkeqësuar në mënyrë dramatike” nga lufta e Rusisë në Ukrainë

Sekretari amerikan i Shtetit Antony Blinken fajësoi pushtimin rus në Ukrainë për shtimin e 40 milionë njerëzve të tjerë në numrin e atyre që deri tani ishin tashmë në një situatë të tillë.

“Kishte një gjendje paraekzistuese, si të thuash, kur bëhet fjalë për pasigurinë ushqimore në shumë vende. Është përkeqësuar në mënyrë dramatike nga agresioni rus kundër Ukrainës, duke shtuar 40 milionë njerëz të tjerë tek ata që janë të pasigurt ushqimor”, tha Blinken në komentet para një takimi me ministrin e Jashtëm pakistanez Bhutto Zardari.

Blinken është në Nju Jork për të marrë pjesë në një ministror mbi sigurinë ushqimore gjatë pasdites.

“Ne po bashkohemi për të parë hapat konkretë që mund të ndërmarrim për të adresuar çështjet e pasigurisë ushqimore, për të ndihmuar njerëzit në nevojë në mbarë botën”, tha Blinken.

Kujtojmë se administrata Biden po punon ngushtë me aleatët evropianë në përpjekje për të zhvilluar rrugë për të nxjerrë grurin dhe misrin ukrainas jashtë vendit pasi Rusia bllokoi anijet ukrainase të niseshin me drithëra që janë jetike për furnizimet ushqimore në mbarë botën, veçanërisht në Afrikë dhe Lindjen e Mesme.

“Nuk ka asnjë shkop magjik për të zgjidhur sfidën e ndërlikuar dhe zyrtarët po shqyrtojnë një gamë të gjerë opsionesh për të nxjerrë të sigurt eksportet e ushqimit me hekurudhë, det dhe ajër. Po studiohen dhe hartohen skenarë të mundshëm nëse Rusia e pranon apo jo”, thanë për CNN dy diplomatë amerikanë dhe katër diplomatë evropianë.