BREAKING NEWS

Përballja me Covid-19, ministrja Manastirliu jep lajmin entuziast nga Vlora

Përballja me Covid-19, ministrja Manastirliu jep lajmin entuziast nga Vlora
x

Bota

Shtetrrethim në Kili, të paktën 10 viktima në protestat masive

Shtetrrethim në Kili, të paktën 10 viktima në protestat
Kanë vijuar prej disa ditësh protestat e tensionuara në Kili, të cilat nga kryeqyteti  Santiago u përhapën në të gjithë vendin për shkak të rritjes së çmimeve në transportin public dhe korrupsionit të qeverisë.
 
Në vend është shpallur gjendja e emergjencës për 15 ditë dhe shtetrrethim në kryeqytet nga ora 22.00 deri në 7 të mëngjesit. Në trazira kanë humbur jetën të paktën 10 persona. Gjendja e emergjencës i jep autoriteteve fuqinë e kufizimit të lirisë së lëvizjes dhe tubimeve.
 
Policia ka raportuar ndërkohë për 156 agjentë dhe 11 civilë të plagosur dhe më shumë se 300 të arrestuar. Eventet kulturore dhe sportive janë anuluar ndërsa dyqanet kanë qëndruar të mbyllur, njësoj si i gjithë rrjeti i transportit.
 
Klima e kaosit që ndjehet në vend ka çuar në grabitje supermarketesh dhe dyqanesh.
 
Sipas mediave lokale tre persona kanë mbetur të vrarë në një zjarr që shpërtheu në një supermarket në komunën San Bernardo; zjarrfikësit kanë gjetur dy trupa të karbonizuar ndërsa një i tretë ka humbur jetën në spital.
 
Të paktën pesë persona kanë vdekur në një zjarr në një fabrikë veshjesh të plaçkitur që më pas iu vu zjarri.
 
Dy viktima të tjera u regjistruan gjatë grabitjes së magazinave të materialeve të ndërtimit. Presidenti i Kilit, Sebastian Puinera, ka njoftuar ndërkohë pezullimin e rritjes së çmimit të biletave të metrosë, i fundit në një seri rritjesh që edhe coi në shpërthimin e zemërimit popullor.

Më të lexuarat