Shumë shtete e kanë pezulluar pas pasojave të rënda që ka shfaqur/ Trondit kreu i EMA-s: Ka një lidhje të ‘AstraZeneca’ me trombozat e ...

Ka një lidhje mes vaksinës AstraZeneca dhe mpiksjes së gjakut, kështu ka deklaruar gjatë një interviste zyrtari i lartë i Agjencisë Europiane të Barnave (EMA).

Kreu i vaksinave EMA, Marco Cavaleri theksoi për gazetën italiane ‘Il Messaggero’ se ekziston një lidhje midis vaksinës që shkakton mpiksjen e gjakut te pacientët, megjithëse nuk është ende e qartë se çfarë e shkakton.

“Ekziston një shkak, por ne ende duhet të kuptojmë se cili është”, shtoi Cavaleri, duke shtuar se lidhja midis vaksinës dhe trombozës do të konfirmohet nga agjencia në orët e ardhshme.

Presidentja e Komitetit Kombëtar të Vaksinimit, Maria Theodoridou në Greqi, foli dje në konferencën e EODY rreth problemit të vaksinimit me AstraZeneca.

Ajo tha: “Ka pasur shumë diskutime në lidhje me vaksinën AstraZeneca. Nga një këndvështrim epidemiologjik,  mpiksja e gjakut është më e zakonshme te gratë nën moshën 55 vjeç.

Pavarësisht nga shqetësimet e raportuara në lidhje me këto incidente, Agjencia Europiane e Barnave ka theksuar se përfitimi i tejkalon rreziqet e vaksinës.