“Sinjal i fortë i mbështetjes për Ukrainën”, Zelensky mirëpret delegacionin e Senatit Amerikan

Presidenti i Ukrainës, Volodymyr Zelensky ka mirëprtur në Kiev delegacionin e Senatit Amerikan .

Delegacioni kryesohej nga udhëheqësi i pakicës, Mitch McConnell.

“Vizita është një sinjal i fortë i mbështetjes dypartiake për Ukrainën nga Kongresi i Shteteve të Bashkuara dhe populli amerikan. Faleminderit që po na ndihmoni jo vetëm për vendin tonë, por edhe për vlerat dhe liritë demokratike. Ne e vlerësojmë vërtet këtë,” tha presidenti ukrainas në një postim në rrjetet sociale.

Senatorët republikanë Susan Collins nga Maine, John Barrasso nga Wyoming dhe John Cornyn nga Teksasi mbërritën në Kiev për t’u takuar me Zelenskyn.

Ende nuk dihet nëse takimi u zhvillua të shtunën dhe nëse delegacioni është ende në Kiev.