BREAKING NEWS

Rama nuk pranon formulën e 5 qershorit, del pro listave të hapura dhe vulos divorcin me SHBA pas kërkesës së Yuri Kim për rrotacion politik

Rama nuk pranon formulën e 5 qershorit, del pro listave të hapura dhe
x

Rajoni

Situata alarmante me shifrat e pandemisë në Maqedoninë e Veriut, autoritetet shëndetësore dalin me njoftimin urgjent për spitalet

Situata alarmante me shifrat e pandemisë në Maqedoninë e Veriut,

Ministri i Shëndetësisë, Venko Filipçe në një konferencë shtypi theksoi se numri i lartë i rasteve të reja me Covid-19 ditëve të fundit ka ngarkuar sistemin shëndetësor në Maqedoninë e Veriut. Tashmë ka filluar organizimi dhe rotacioni i personelit mjekësor. Filipçe njoftoi se për momentin 330 pacientë me Covid-19 po trajtohen nëpër spitale.

“Ditët e fundit kemi punuar në mënyrë intensive në riorganizimin dhe planifikimin e kapaciteteve me qëllim që t’i përgjigjemi numrit të pacientëve, i cili për momentin është rreth 330 në të gjitha objektet e shëndetit publik, pacientë pozitivë me Covid-19. Klinikat dhe repartet infektive janë ngarkuar, një pjesë e punonjësve shëndetësorë janë lodhur pas 4 muajve luftë me koronavirusin”, pohoi Filipçe.

Ministri Filipçe njoftoi se në bazë të planit për riorganizim të personelit mjekësorë, në Shkup tashmë kanë arritur 54 mjekë dhe infermiere.

“Prej ditës së djeshme në rotacion dhe ndihmë në Shkup, në Klinikën Infektive dhe Spitalin “8 shtatori” kanë arritur 54 mjekë dhe infermiere ata tashmë kanë filluar me punë dhe presioni i ditëve të fundit është zvogëluar. Tashmë është bërë plan edhe për rotacione tjera si nga klinikat poashtu eshe nga institucione tjera shëndetësore në vend”, tha ministri Filipçe, duke shtuar se tashmë edhe spitalet dhe klinikat private kanë shprehur gatishmërinë për ndarje të personelit mjekësorë.