Suedia dhe Finlanda mbështeten nga të gjithë për t’u anëtarësuar në NATO. Po Turqia pse është kundër?

Suedia dhe Finlanda mbështeten në lëvizjet e tyre drejt anëtarësimit në NATO nga pothuajse të gjithë anëtarët e NATO-s – vetëm Turqia ka shprehur rezerva.

Ankaraja akuzon të dy vendet se i kanë dhënë mbështetje Partisë së Punëtorëve të Kurdistanit (PKK), e cila ka zhvilluar një luftë të armatosur kundër qeverisë turke për dekada.

Ministri i Jashtëm turk Mevlut Cavusoglu tha se Suedia dhe Finlanda duhet të ndalojnë mbështetjen e terroristëve në vendet e tyre, të ofrojnë garanci të qarta sigurie dhe të heqin ndalesat e eksporteve ndaj Turqisë.

Por më vonë ai shtoi se Turqia nuk po kërcënonte askënd.

Sekretari i Shtetit i SHBA Antony Blinken, zyrtarë të NATO-s dhe politikanë suedezë dhe finlandezë thonë të gjithë se janë të bindur se çdo shqetësim mund të adresohet.