Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Takimi në Bruksel/ Greqia nuk ka shanse të marrë sot këstin e kredisë

Postuar: 20/03/2017 - 22:34

Ministrat e Financave të Eurozonës do të takohen të hënën pasdite në një përpjekje tjetër për të gjetur gjuhën e përbashkët me qeverinë greke mbi masat që duhet të marrë Athina, në këmbim të çlirimit të këstit të kredisë.

Pavarësisht se edhe vetë kryeministri Tsipras ka deklaruar disa herë se marrëveshja do të kyçet më 20 mars, nuk ka asnjë shenjë se në fund të ditës nga Brukseli do të dalë tym i bardhë.

Paraditen e të hënës, agjencia Bloomberg, citonte një zyrtar europian, sipas të cilit arritja e marrëveshjes madje edhe në muajin prill, është diçka e largët. “Të dy palët janë ende larg sa u përket reformave që kërkojnë kreditorët në tregun e energjisë, ndërsa Athina po reziston gjithashtu ndaj kërkesës për uljen e mëtejshme të pensioneve”, ka thënë zyrtari i Bashkimit Europian.
Sipas shtypit grek, qeveria Tsipras pret nga takimi i të hënës një shenjë progresi, më shumë për të ngritur moralin në grupin parlamentar të SYRIZA-s në pushtet. Mjaft deputetë kanë paralajmëruar se nuk kanë për të votuar asnjë masë tjetër, në kohën që marrja e masave të tjera shtrënguese konsiderohet e pashmangshme.
Gjithsesi, agjencia Bloomberg, paralajmëron se në takimin e sotëm të Eurogrupit, Greqia do të humbë një tjetër shans për t’u çliruar kreditimi, “duke risjellë në skenë një përsëritje të dramës së 2015-s, kur vendi u thuajse u ndodh në një kolaps ekonomik”.

Më e mundshmja është që ministrat e Financave të Eurozonës të përsërisin mbrëmjen e të hënës se qeveria Tsipras ende nuk është përshtatur me kushtet që u vunë bashkë me kontratën për kredinë prej 86 miliardë eurosh që u nënshkrua dy vjet më parë.

/Agjensia e Lajmeve Sot News/

Na Beni Like Ne Facebook: 
Total votes: 8

Lajme nga e njejta kategori

Postuar: 29/05/2017 - 09:44

Një 19-vjeçar është vënë në pranga nga policia britanike ditën e djeshme, pasi dyshohet se ka pasur lidhje me atentatin e sulmit në Mançester nga ku mbetën të vdekur 22 persona dhe 59 të tjerë të plagosur.

Postuar: 28/05/2017 - 16:46

Tetë persona janë vrarë në Misisipi të Shteteve të Bashkuara të Amerikës, mes të cilëve edhe zv/sherifi.

Postuar: 28/05/2017 - 09:17

Pavarësisht largimit të Barack Obama-s dhe marrjes së pushtetit nga Donald Trump, politikat e SHBA ndaj Shqipërisë nuk kanë për të ndryshuar.

Postuar: 27/05/2017 - 21:45

Forcat ajrore të Egjiptit shkatërruan sot disa kampe stërvitjeje të militantëve në shkretëtirën libiane, nga ku besohet se kanë ardhur terroristët që vranë dhjetra kristianë në

Postuar: 27/05/2017 - 20:45

Presidenti turk Tajip Erdogan tha sot se Bashkimi Evropian i ka dërguar Turqisë një program të ri 12-mujor për rinovimin e marrëdhënieve të tyre, njoftonte e përditshmja Hurriye