Tensionet arrijnë kulmin! “Po dërgojnë drejt vdekjes mijëra qytetarë”/ Ministri britanik i Mbrojtjes reagon 'flakë për flakë' pas shpalljes së mobilizimit nga Putin

Sekretari i Mbrojtjes së Mbretërisë së Bashkuar, Ben Wallace, ka komentuar vendimin e Vladimir Putin për të mobilizuar 300 mijë rezervistë për të luftuar në Ukrainë.

Zyrtari më i lartë i Mbrojtjes në Britaninë e Madhe thotë se vendimi i sotëm është një tregues i fortë se pushtimi i Putin në Ukrainë po dështon.

“Ai dhe ministri i tij i Mbrojtjes kanë dërguar në vdekje dhjetëra mijëra qytetarë të tyre, të pajisur keq dhe të udhëhequr keq”, shkruan ai në një deklaratë të postuar nga Ministria e Mbrojtjes në Twitter..

“Asnjë sasi kërcënimesh dhe propagande nuk mund të fshehë faktin se Ukraina po e fiton këtë luftë, komuniteti ndërkombëtar është i bashkuar dhe Rusia po bëhet një paria globale”, shtoi Wallece.