Tullumbace me oksid azoti/ Britania ndërmerr nisma ligjore, ja deri në sa vite burg rrezikojnë shpërndarësit

Kohët e fundit shumë klube dhe ambjente pranë shkollave në kryeqytet janë kthyer mjaft problematike për të rinjtë pasi tollumbacet me oksid azoti

Tullumbacet me oksid azoti të cilat po përdoren masivisht në Britaninë e Madhe nga adoleshentë dhe të rinj të moshës 16 – 24 vjeç janë kthyer në problem shqetësues social prandaj autoritetet kanë ndërmarrë nisma ligjore

Avokati Naim Hasani në një intervistë televizive tregon se ky produkt blihet rëndom kudo dhe përdoret masivisht tek të rinjtë nëpër festat e tyre.

Përdorimi në mënyrë të pakontrolluar mund të shkaktojë probleme të rënda shëndetësore tek të rinjtë prandaj autoritetet kanë hartuar një draft ligj që parashikon dënimin e atyre që kapen me këtë lëndë por dhe me ata që e tregtojnë apo e shpërndajnë.

“Do të klasifikohet si kategori droge C, në mesin e kanabisit. Ata që kapen me të do të dënohem me 2 vjet burg ndërsa shpërndarësit deri në 14 vite burg.  Pr/ligji është paraqitur në parlamentin britanik dhe pritet të miratohet pasi qeveria i ka votat.  Adendimi pritet të hyjë në fuqi në fund të dhjetorit” tha Hasani.

Edhe në Tiranë tashmë në lokalet e natës që frekuentohen nga të rinj dhe adoleshentë ky produkt ka hyrë dhe shitet si të ishte një pije e thjeshtë.