Turqia jep dritën jeshile për hyrjen e Finlandës në NATO, Suedia nuk merr përgjigje pozitive nga Erdogan

“Ne nuk do t'i japim përgjigje pozitive kërkesës së Suedisë përderisa ato lejojnë djegien e Kuranit, “ kështu është shprehur  lideri turk Recep Tayyip Erdogan në fjalimin e tij në mbledhjen e rregullt të grupit parlamentar të AK Partisë në Ankara. Duke vlerësuar Finlandën, presidenti turk tha: “Qëndrimi ynë lidhur me Finlandën është pozitiv ndërsa lidhur me Suedinë nuk është pozitiv”. Akti islamofobik erdhi disa ditë pasi Paludan dogji një kopje të Kuranit jashtë ambasadës turke në Suedi gjatë një proteste të miratuar nga policia. Suedia dhe Finlanda aplikuan zyrtarisht për t’u anëtarësuar në NATO në maj të vitit të kaluar, një vendim i nxitur nga lufta e Rusisë kundër Ukrainës, e cila filloi më 24 shkurt 2022. Por, Turqia, një anëtare e NATO-s për më shumë se 70 vjet, shprehu kundërshtime, duke akuzuar të dy vendet se tolerojnë dhe madje mbështesin grupet terroriste, përfshirë organizatën terroriste PKK-në dhe organizatën terroriste FETO, grupi që qëndron pas përpjekjes së mposhtur për grusht shteti të 15 korrikut 2016. Qershorin e kaluar, Turqia dhe dy vendet nordike nënshkruan një memorandum në një samit të NATO-s për të adresuar shqetësimet legjitime të sigurisë së Ankarasë, duke hapur rrugën për anëtarësimin e tyre përfundimtar në aleancë. Nga 30 anëtarët e NATO-s, vetëm Turqia dhe Hungaria duhet të ratifikojnë anëtarësimin e dy vendeve nordike. Ndërsa kryediplomati turk Mevlut Çavusoglu para pak ditësh ne lidhje me pyetjen nëse Turqia dëshiron të ndajë procedurat e anëtarësimit të Finlandës dhe Suedisë, ai tha se kjo varet nga NATO dhe këto dy vende. “Nëse duan të ndajnë procesin e anëtarësimit, Turqia do ta shqyrtojë rastin e Finlandës veçmas dhe me më shumë favore”, tha ai.